אשרי מי שעמלו בתורה • הערליכע מעמד "כבוד התורה" אין ישיבה קטנה מאור עינים ראחמסטריווקא

מאנטאג פ' בא • כ"ז טבת תשפ"ה | בחצרות הקודש

בילדער קרעדיט: JDN

פארלאפענעם וואך האט כ"ק האדמו"ר מרחמיסטריווקא שליט"א באשיינט די יערליכע מעמד "כבוד התורה" אין ישיבה קטנה מאור עינים ראחמסטריווקא אין ירושלים, וואו דער רבי האט זיך געוואשן און מיטגעהאלטן די סעודת מצווה לכבודה של תורה, במעמד רבנן ותלמידיהון.

מיט א הערליכע דרשה האט אויפגעטרעטן כ"ק אדמו"ר מסקולען ירושלים שליט"א מהורי תלמידי הישיבה וואס האט ארויסגעהויבן מיט התפעלות בשבחם פון די תלמידי הישיבה וועלכער האבן זוכה געוועהן מסיים צו זיין די מסכתות הש"ס וואס מען האט קונה געוועהן ברוב עמל ויגיעה און מאציל געוועהן ברכת קדשו לרוב פאר אלע תלמידי ורבני הישיבה.

דערנאך האט מען געהערט דברי אלוקים חיים בחיזוק לימוד התורה דורך כ"ק אדמו"ר מראחמיסטריווקא שליט"א. דער רבי האט געבענטשט ברכת המזון על הכוס און דערנאך זיך אויפגעשטעלט אויף א פייערדיגע רקידה לכבוד התורה ולומדיה. צום שלוס פונעם מעמד האט דער רבי פארטיילט די תעודות פאר די בחורים מצוינים.