חסידי וויז'ניץ אין לאנדאן געזעגענען זיך שווער פון מורם ורבם האד' מוויז'ניץ נאך באזוך אין שטאט

מיטוואך פ' דברים - א' אב תשפ"ג | קול בחצרות

בילדער קרעדיט: מלכות ויזניץ בטלגרם

היינט צופרי ראש חודש איז מרן האד' מוויז'ניץ שליט''א אנגעקומען אויף תפילת שחרית בבית מדרשו קהל 'אהבת ישראל' וויז'ניץ אין די סטעמפארד הילל געגענט, עס האבן מיטגעדאווענט די אינגעלייט, בחורים אין די קינדער פון די עלטערע כיתות אין תלמוד תורה. פארן דאווענען איז די רבי ערשינען אין ביהמ''ד אין זיך צוגעקוקט ביים סדר לימוד ווי די ילדי חמד זענען געזעצן אין געלערנט שעות רצופות. בשעת'ן דאווענען האט זיך די רבי ארומגערדרייט אין ביהמ''ד אין נאכן דאווענען איז די רבי ארומגעגאנגען מיטן קופת 'אהבת שלום' כדרכו בקודש.

דערנאך האט זיך די רבי אוועק געזעצט צום שולחן לחיים לכבוד ראש חודש, דער גבאי הביהמ''ד הרב שמואל בערגער האט אויפגעטראטן בשם כל קהלא קדישא הדין אין זיך באדאנקט פארן רבי'ן פארן זיך מטריח זיין אין ארויסקומען מחזק זיין דעם היימישן עולם, דאן האט די רבי שליט''א משמיע געוועהן דברות קודש ווי די רבי האט בתוך דבריו ארומגערעט בשבח פון די קהילה אין לאנדאן אין מסיים געוועהן בברכת קדשו לרוב.

דאן איז די גאנצע ציבור פאראיבער וואונטשן לחיים אין זיך געזעגענען, אין דערנאך זענען אריין אל הקודש פנימה צום רבי'ן בחדרו הפרטי די נגידים ותומכים פון איגוד מוסדות וויז'ניץ ווי די רבי האט פארטיילט קמיעות לשמירה פאר די נגידים אין דאן איבערגעגעבן ספעציעלער שיחות קודש פאר די אברכי הכוללים.

ביים פארלאזן דאס ביהמ''ד האבן די תלמידי הישיבה ארויסבאגלייט דעם רבי'ן בשירה וזמרה אין פון דארט איז די רבי צוגעפארן אויף א באזוך אין שטוב פון הרבני הנגיד ר' אליש אנגלאנדער ווי עס איז פארפירט געווארן א הערליכע שמועס איבער זכרונות פון צדיקי בית וויז'ניץ אין פון די צדיקים הקודמים אין די רבי האט גענימען קוויטלעך פון ר' אליש ובני משפחתו.

היינט אויפדערנאכט וועט די רבי שליט''א פארלאזן לאנדאן צום מקום הנופש אין חלדודנא ענגלאנד.