דאנערשטאג פ' בראשית • כ"ז תשרי תשפ"ד | בחצרות הקודש
הגאון הגדול רבי מיכל זילבער שליט"א ראש ישיבת זוועהיל ביים יערליכן סיום אויף כל התורה כולה דעם חול המועד סוכות וואו די ראש ישיבה האט אויסגעבראכן אין א שטארקע געוויין זאגענדיג 'כלל ישראל דארף גרויסע ישועות, עטס האטס נישט קיין אהנונג וויפיל רחמים מיר דארפן... און האט אויסגעפירט אז יעדער זאל מתפלל זיין פאר א חבר און בזכות זה וועט זיין הוא נענה תחילה, און האט געוואונטשן אז דער אייבערשטער זאל העלפן און מיר זאלן זוכה זיין צו די גרויסע גאולה.
א בקשה וואס איז ארויסגעשטעלט געווארן פון חצר הקודש קוידינוב צו מתפלל זיין פאר די וואוילזיין פון די חסידים וועלכע דארפן ארויסגיין קעמפן אויפן פראנט.
האדמו"ר סערט וויזניץ ביים עצרת תפילה ואמירת תהלים לאור די שווערע מצב מיט די מלחמה צושטאנד אין ארצינו הקדושה אין ביהמ"ד הגדול סערט וויזניץ אין חיפה.
בתוך עמי אני יושבת • דברי חיזוק פון האדמו"ר מפאשקאן פאר די סאלדאטן אויפן פראנט ביים מלחמה אין ארץ ישראל.
בית המדרש הגדול דחסידי גור אויף רחוב ירמיהו, ווען פון הינטערגרינד זעהט מען רויעך זיך הייבן פון די ראקעטן אטאקעס רח"ל.
א בריוו פון האדמו''ר מסלונים פאר קהל חסידיו "נוכח פרעות האויב".
העסקן הרב שלום בער פישל מגדולי עסקני חצר הקודש סקווירא אין א שמועס מיט האדמו"ר רבי ישיאהו פינטו גאב"ד מאראקא במעונו אין מאנהעטן.
אדמו"ר מקאסאן ביים עפל טיש מוצאי יו"ט שמחת תורה בבית מדרשו אין לינדען.
האדמו"ר מסאטמאר דעם חוה"מ סוכות אויפן וועג אהיים נאך תפילת שחרית חוה"מ סוכות, די רבי ווערט געזעהן אן די ברילן, זייענדיג א ריכטיגע סימבאל, ווי אזוי זיך צו היטן די אויגן גייענדיג אין גאס.
שמחת בית השואבה בחצר הקודש פארשעי אין שטאט מאנסי, ווערט געזעהן בני האדמו"ר מקאמאדא מאנסי שפילן מיט פאקלען זכר לשמחת בית השואבה.
א היסטארישע איינלאדענונג איז פארשפרייט געווארן אין די יעצטיגע טעג, פון א מעמד שמחת בית השואבה בביתו נאוה קודש פונעם הייליגן חזון איש זי"ע, מיט גאנצע זיבעציג יאר צוריק.
האדמו"ר מראחמיסטריווקא ביים זיך באגעגענען מיט האדמו"ר מפינסק קארלין אויפן וועג צום שריד בית מקדשינו דער כותל המערבי לרגל המועד.
די הונדערטער בחורי סאטמאר פון אויסלאנד וועלכע זענען געקומען צו פארן אויף יו"ט שמחת תורה בצל הקודש, ביים גומל בענטשן און שלום נעמען פון האדמו"ר מסאטמאר נאכן דאווענען.
א שיין בילד פון האד' מגור ביי די עבודת הנענועים דעם חול המועד סוכות.
בחצר הקודש פשעווארסק האט מען דעם חוה"מ סוכות לכבוד דעם יארצייט פון הרה"ק רבי נחמן מברסלב זי"ע געזינגען דעם באקאנטן ברסלב'ער אשת חיל.
הרה"צ רבי דוד אלתר בן זקונים האדמו"ר מגור גייענדיג אויפן וועג אהיים פון בית מדרש מיט די ד' מינים דעם חול המועד סוכות.
כ"ק האדמו"ר מליזענסק ביים לחיים לרגל די ערשטע יארצייט פון אביו הגה"צ רבי מאיר זאב שטערן גאב"ד אתרא קידשא מירון זצ"ל.
האדמו"ר ממכנובקא בעלזא ביים אנוואונטשן דעם מעיער פון ירושלים משה ליאון אויפן וועג אהיים נאך תפילת שחרית דעם חוה"מ סוכות.
הרה"צ רבי אהרן קאהן אבד"ק תולדות אהרן מאנסי שליט"א ביים ווארפן עפל ביים נעילת החג טיש מוצאי יו"ט שמחת תורה.
הגה"צ רבי מרדכי שטיינער שליט"א אבד"ק בית מרדכי ביי די עבודת הקודש פון נענועים דעם חוה"מ סוכות.
טפח מעל הקרקע • א שיין בילד פון הגה"צ רבי אלימלך בידערמאן שליט"א מלעלוב אין א טאנץ ביים גרויסן מעמד שמחת בית השואבה אין ירושלים, בילד ארי קופרשטוק.
דער ספעציעלער באלעמער פאר די הקפות ווערט אריבערגעברענגט צום ביהמ"ד הגדול סאטמאר אין ווילאמסבורג לקראת יו"ט שמחת תורה.
האדמו"ר ממכנובקא בעלזא אין א ריקוד מיט די ילדי החסידות ביים שמחת בית השואבה דער וואך.
אינעם ישיבה פון המקובל הגאון הצדיק רבי דוב קוק שליט"א מטבריה האט מען אנגעהויבן דאווענען ביים נץ, און מסיים געווען תפילת מוסף אין די נאכמיטאג שעות בשירה ובנעימה ווי די רב אליין האט געזינגען.
האדמו"ר מפיטסבורג אויף א באזוך ביי הגאון הגדול רבי מאיר צבי בערגמאן שליט"א ראש ישיבת הרשב"י לכבוד המועד.
ביים אנגרייטן די 'שווארץ ברויט' צום טיש לרגל אושפיזא דיוסף כנהוג בחצר הקודש מכנובקא בעלזא, ווערט געזעהן די משמש בקודש הרב שמשון בארד.
האדמו"ר מראחמיסטריווקא מאנסי ביים איבערגעבן שיחת קודש פאר בחורי חבורות ראחמיסטריווקא בארא פארק, אין די סוכה הגדולה שע"י ביהמ"ד הגדול ראחמיסטריווקא אין בארא פארק.
אזוי אויך האט קרישקעס געזעהן די וואך האדמו"ר מראחמיסטריווקא מאנסי זיך משתתף זיין ביים מעמד שמחת בית השואבה ביים פעטער האדמו"ר מראחמיסטריווקא אוק ענד וויין.
האדמו"ר מאמשינוב אויפן וועג צום כותל המערבי חול המועד סוכות לעלות ולראות לכבוד הרגל.
ושמחת בחגך • דער ינוקא הגאון רבי שלמה יהודה בארי ביים שמחת החג אינעם אכסניא אין ירושלים פון הרבני הנגיד רבי יואלי לאנדא אינאיינעם מיט הרב דוד שאפער ראש ישיבת אורייתא אין ירושלים.
המשפיע הגה"צ רבי אלימלך בידערמאן אין א שמועס מיט האדמו"ר מבוהוש חוה"מ נאכן דאווענען אינעם בוהוש'ע בית מדרש אין בני ברק.
הגאון רבי שלום בער סורוצקין ראש ישיבת עטרת שלמה אויף א באזוך אינעם סוכה פונעם ראש הישיבה הגאון רבי משה הלל הירש לרגל המועד.
ראשונים במלכות • ביי די גרויסע שמחת בית השואבה בחצר הקודש ויזניץ, ווערן געזעהן זיצן ראשונה במלכות די חברי כנסת פון ארץ ישראל, בצלאל סמוטריץ, הרב יצחק גאלדקנאפף שלוחא דרבנן מיט זיין געהילף ר' מוטי בבציק, אזוי אויך הנגיד ר' שלמה ווערדיגער יו"ר אגודת ישראל דאמעריקע, הנגיד ר' בערי ווייס, און הרב בנימין ווערצבערגער משב"ק ביי הרה"ק בעל תורת מרדכי מוויזניץ זצ"ל.
האדמו"ר מסאדיגורה ביים שענקען כוס של ברכה פארן מיניסטער ר' יצחק וסרלאוף ביים צענטראלער שמחת בית השואבה בחצר הקודש.
א שיינע נוי סוכה פאוסטער איז פארטיילט געווארן פאר אלע וואס זענען מיט געפארן אויף די נסיעה צו די מקומות הקדושים איידער די שמחת החתונה בבית הרה''צ ר' יצחק טווערסקי שליט"א בן האדמו"ר מסקווירא וואס איז פארגעקומען פארגאנגענע חודש סיון.
ושמחת בחגך והיית אך שמח • א שיינע נוי סוכה פון הרה"ק מראחמיסטריווקא זי"ע וממשיכו דרכו כ"ק מרנן האדמורי"ם שליט"א.
הרה''ג רבי אשר חיים שטערנבוך דומ''ץ מחזיקי הדת אנטווערפען ורב ביהמ"ד אהל יעקב ווערט געזעהן דעם חוה"מ סוכות אושפיזא דיוסף בחצר הקודש פון זיין פלומעניק כ"ק אדמו"ר מאמשינאוו ארה"ב.
רירעדע בילד פון הרב שלמה צבי אלתר, זון פון גערער רבי'ן שליט"א, וועלכער שטייט צו די רעכטע האנט פון יתומים און אלמנות, ווי ער טאנצט מיט קליינע קינדער'לך ביי די שמחת בית השואבה אין שפיץ פון גערער רבי'ן.
דער ציבור ווערט גערופן צו מתפלל זיין לרפואת הב' מרדכי בן ציפורה רחל לרפואה שלימה, וועלכע איז שטארק געשעדיגט געווארן ביים מעמד שמחת בית השואבה דעם חוה"מ סוכות אין קראון הייטס.
ראש הישיבה הגאון רבי שאול אלתר ביים סעודת החג אינאיינעם מיט די חבורת המשוררים דק"ק פני מנחם אין ביהמ"ד אויף רחוב יוסף זיו, דעם חול המועד סוכות.
הרב מענדל וואלערשטיין מנהל מוסדות יטב לב בירושלים עיר הקודש ביים שמחת בית השואבה דעם חוה"מ סוכות אין זיין סוכה אין ירושלים.
המשפיע הרב בנימין אייזענבערגער ביים שמחת בית השואבה בהיכל בית מדרשו אין בארא פארק.
די פריוואטע סוכה פון מרן אדמו"ר מוויז'ניץ שליט"א וואס איז געבועיט געווארן ביים חדר הפרטי פונעם רבי'ן שליט"א אין ביהמ"ד הגדול בית ויז'ניץ אין בני ברק.
איינע פון די פילע גרייטע הכנסת אורחים שטיבער בחצר הקודש סאטמאר גרייט פאר שמחת תורה, ווי עס זענען פלאצירט געווארן הונדערטער געסט וואס זענען געקומען צופארן וויילן בצל קדשו פון האדמו"ר מסאטמאר אין שטאט וויליאמסבורג.
האדמו"ר משענדישוב ביים עריכת שוה"ט דעם חול המועד סוכות אושפיזא דמשה אין די גרויסע סוכה וואס איז אויפגעשטעלט געווארן בחצר הקודש אין פלעטבוש.
ראש ישיבת פונוביז הגאון רבי ברוך דוב פוברסקי ביי נטילת ד' מינים, אמירת ההושענות און ביים עולה זיין לתורה.
הונדערטער אידן ביים פייערן דעם צענטראלער מעמד שמחת בית השואבה פארנט פונעם חב"ד הויפטקווארטיר אין קראון הייטס.
האדמו"ר מפיטסבורג ביים שמחת בית השואבה דורך ארגון 'זה לזה' ווי די רבי איז משמח די הונדערטער צובראכענע יתומים.
שמחת בית השואבה אושפיזא דמשה אין ק"ק תולדות יהודה אין בארא פארק.
ביים שמחת בית השואבה בחצר הקודש זוטשקא אין בני ברק איז געזונגען געווארן די ספארדישע ניגון אעופה אשכונה נוסח זוטשקא.
האדמו"ר מניקלשבורג דעם חוה"מ אין א שמועס מיטן בארימטן מגיד מישרים הרה"ג ר' אברהם מרדכי מלאך שליט"א בבית מדרש אין די קעטסקילס.
ושמחת בחגך • א פרייליכע שמחת בית השואבה דעם חוה"מ סוכות אין ארץ ישראל.
סוכת שלום • האדמו"ר מקאליב ביים מעמד שמחת בית השואבה אין מושב רבבה, מיט די השתפפות פון פילע תושבי השומרון, אין די סוכה פון הרב אסף קליין ממקורבים ביים קאליב'ער רבין שליט"א.
משה ליאון די מעיאר פון ירושלים אויף א באזוך אינעם סוכה פונעם ראש הישיבה הגאון הגדול רבי דוב לאנדא שליט"א לכבוד המועד.
הרב חנוך זייברט וועלכע לויפט פאר מעיער אין שטאט בני ברק אויף א באזוך אינעם סוכה פונעם ראש הישיבה הגאון הגדול רבי משה הלל הירש שליט"א ווי ער האט פארציילט פארן ראש ישיבה איבער זיין באזוך דעם וואך ביי האדמו"ר מבעלזא.
קרישקעס וועכנטליכע מזל טוב'ס:
א ברכת מזל טוב פאר הרבני הנגיד רבי יהודה לייב לעפקאוויטש מגדולי תומכי מוסדות תולדות אהרן לרגל די שמחת הבר מצוה פון בנו הב' צבי אביגדור ני"ו למזל טוב.
א ברכת מזל טוב פאר הרה"ח שמואל טייטלבוים משב"ק ויד ימינו פון כ"ק האדמו"ר מסאטמאר שליט"א לרגל די שידוך שליסן פון זיין טאכטער בשעה טובה ומוצלחת ולמזל טוב.
Comments