מונטאג פ' שלח - כ"ג סיון תשפ"ג | קול בחצרות
בילדער קרעדיט: מלכות ויזניץ בטלגרם
נעכטן אויפדערנאכט איז כ''ק האדמו''ר מסקווירא שליט''א אנגעקומען אויף ביקור גומלין ביים שוואגער אין מחותן מרן האדמו''ר מוויז'ניץ שליט''א בבית האכסניא אין שטוב פון הנגיד ר' אביגדור עסטרייכער. די וויזניצער רבי האט זיך באדאנקט פארן הערליכע אויפנאמע אין די אכסניא פאר חסידי וויז'ניץ וועלכע האבן געווילט אויף שבת אין סקווירא שטעטל אין די רבי'ס האבן זיך געזעגענט נאך די געהויבענע ימי השמחה במעונם.
נעכטן אין די פארמיטאג שעהן איז די וויזניצער רבי אנגעקומען קיין מאנסי ווי די רבי האט באשיינט א רייכע באנקעט לטובת די נייע וויזניצער ישיבה לצעירים 'אהבת ישראל' וואס וועט זיך עפענען אויף דעם קומענדיגן שנת הלימודים פאר בחורי חסידי וויז'ניץ תושבי מאנסי והגלילות. דער מסיבת פת שחרית איז פארגעקומען אין שטוב פון הנגיד ר' שמואל נחמן בערקאוויטש אין די ניו העמסטעד געגענט, ווי עס האבן אויפגעטראטן צווישן אנדערע דער מנהל הישיבה הר"ר שלום מרדכי קרענגל אין הנגיד ר' מרדכי חנא כהנא מחברי הוועד, דער רבי האט געטריקנען לחיים אין משמיע געוועהן דברות קודש אין דברי ברכה פאר אלע תומכים, נאכן מסיבה האט די רבי שליט''א פארטיילט געבענטשטע מטבעות לשמירה פאר די משתתפים.
נאכמיטאג האט די רבי אויפגענימען דעם ציבור אין מאנסי אין שטוב פון הנגיד ר' יהודה יואל ראזענפעלד אין באנאכט האט זיך די רבי משתתף געוועהן ביי די חתונה בבית העסקן הרה"ח ר' שמואל דוד אדלשטיין אין מאנסי. היינט מאנטיג נאכמיטאג לאזט זיך די רבי ארויס אויפן וועג צוריק אהיים קיין ארץ הקודש.
Comments