דאנערשטאג פ' עקב - ט"ז אב תשפ"ג | קול בחצרות
אינטערן פירהאנג • האדמו"ר מגור אויפן פליגער אויפן וועג אהיים פון שווייץ.
הנגיד ר' ליפא פרידמאן זוהן פון הרב משה פריעדמאן משב"ק אדמו"רי בית סאטמאר ווערט ארומגעוויזן דורך העסקן הרב שלום בער פישל מראשי קהילת סקווירא די בוי ארבייט ביים נייעם ביהמ"ד הגדול אין שיכון סקווירא.
דאקטאר נתן אונגר וועלכער האט באגלייט כ"ק אדמו"ר מקרעטשניף שליט"א אויפן פליגער קיין ניו יארק, לקראת די שמחת החתונה פון א אייניקל אין שיכון סקווירא, געזעגנט זיך מיטן רבי'ן ביים אנקומען אין קענעדי לופטפעלד.
ראש ישיבת בריסק רבי אברהם יהושע סולובייצ'יק בנאות דשא מיטן שירעם כדרכו אין דאבוס שבשווייץ.
הרב מאיר פרוש ביים אנקום אינעם הדסה עין כרם שפיטאל מבקר חולה צו זיין הגאון רבי ברוך מרדכי אזראחי שליט"א ראש ישיבת עטרת ישראל, ווי ער האט זיך נאכגעפרעגט ביי די דאקטורים אין בני המשפחה איבער די מצב הבריאות ביים ראש ישיבה שליט"א.
ובלכתך בדרך • האדמו"ר מאמשינוב שליט"א ווערט געזעהן דער וואך ביים עוסק זיין בלימוד התורה אינאיינעם מיט זיין זוהן הרה"צ רבי משה מילקובסקי אונטערוועגנס אויפן באן.
כ"ק אדמו"ר מקאסאן שליט"א ביים מעמד קביעת מזוזה פאר א נייע עירדזשענט קעיר אין די לינדען געגנט.
האדמו"ר ממיאלען שליט"א אויף א באזוך בקודש פנימה פונעם פעטער האדמו"ר מפרעמישלאן שליט"א לרגל די גרויסע שמחה במעונו בהולדת בנו למזל טוב, ווי די רבי האט מכבד געווען דעם פעטער מיט סנדקאות.
כ"ק אדמו"ר מסאדיגורה שליט"א בנאות דשא אין שווייץ, אינאיינעם מיט הרה"ח ר' אברהם יעקב זילברשלג הי"ו, און הרה"ג ר' ברוך הגר שליט"א רב ביהמ"ד קהל יראים באשדוד.
א מאסיווע פארשטעלונג פיר מעטער לאנג, מיט די אילוסטראציע פון די נייע מרכז העולמי ישועות משה וויז'ניץ וואס איז געברענגט געווארן צום שמחת הבר מצוה פון די זוהן פון הרב יצחק קורנבוים מגדולי עסקני חצר הקודש וויז'ניץ אין מנהל קרן נצחי שע"י חסידי ויז'ניץ.
כ"ק אדמו"ר מפינסק קרלין שליט"א ביים איבער געבען א שיחת התחזקות בעניני חינוך פאר מחנכים פון תלמוד תורה גור בני ברק.
כ"ק אדמו"ר וויזניץ שליט"א וועלכע האט געוויילט אין די יעצטיגע טעג למנוחת הנפש אויף די שווייצע בערג, איז אין א זעלטענע בילד אויפגעכאפט געווארן זיך פאטערליך אפגעבן מיט'ן דור רביעי בליעה"ר, שפאצירנדיג מיט זיין איידעם הרב משה מרדכי כ"ץ בן אדמו"ר מוויען שליט"א אין אייניקל. ודור רביעי יניע"ו המה.
דער בארימטער פאטאגרעפירער ר' שלומי טריכטער ביים מקבל זיין ברכת הקודש פון רבו כ"ק אדמו"ר מדושינסקיא שליט"א ביים גרויסן שמחה בבית צדידים די וואך פון רבינס אייניקל.
אין בית המדרש אור החיים פון הרבני הנגיד הרב שיינער אין מאנסי איז געברענגט געווארן א שעפעלע צום שחיטה לרגל לימוד מסכת חולין.
די פראוועזארישע מקווה מיט וואס כ"ק אדמו"ר מסערט וויז'ניץ שליט"א באנוצט זיך אין די צייט וואס די רבי וויילט אויף אפרוה אין עסטרייך.
כ"ק אדמו"ר מוויזניץ לאנדאן שליט"א ביי א חופה די וואך לבן אחד מחסידיו אין לאנדאן.
הצדיק רבי דב קוק ביים מיטהאלטן די טעגליכע שיעור אין תלמיד ירושלמי דורכן באקאנטן מגידי שיעור הגאון רבי יוסף אריה שווארץ אב"ד אמונת התורה אין מאנסי.
כ"ק האדמו"ר מדזירקא ווערט געזעהן ביי שלש סעודות פרשת ואתחנן נחמו אין דאבוס שווייץ.
איי דונט ספיק אינגליש • אן אינטערסאנטע מודעה וואס איז ארויסגעשטעלט געווארן מטעם וועד החתונה בחצר הקודש קרעטשניף צו די הונדערטער אידן וואס גרייטן זיך ארויס צופארן מיטצוהאלטן די שמחת החתונה בבית צדיקים, מיט די פינקטליכע אנווייזונגען וואס מען דארף ענטפערן פאר די פאליציי אינעם לופטפעלט.
אידן זענען מתפלל ביים ציון הק' פון המקובל האלוקי רבי עמרם בן אפרים מדיוואן זי"ע אין מאראקא ביומא דהילולא קדישא.
דער בארימטער חזן ר' שלום לעמער איז דער וואך אריין אל הקודש פנימה צו מורו ורבו כ''ק האדמו''ר מבעלזא שליט''א, ווי ער שרייבט: אויף מיין לעצטע רייזע קיין ישראל, האב איך אפגעשטאט א וויזיט ביי מיין רבי’ן דעם בעלזער רב. איך האב אפגעגעבן דעם רבי'ן א קאפיע פֿון מײן לעצטן אלבאם "קידוש השם". דער רבי האט זיך אנגערופן, "עס איז נישט געווען אזוי לאנג זינט דו האסט ארויסגעגעבן דיין אנדערע אלבאם". איך האב געענטפערט אז ס'איז שוין דורך פינף יאר. דער רבי האט אויפגעהויבן די ברעמען און געשמייכלט, - און דאך האבן מיר נאך נישט אויפגעהערט צו הערן דערפון!.
הונדערטער האבן זיך משתתף געווען אין גאר געהויבענע ימי שמחה וועלכע האבן זיך אנגעהויבן שבת נחמו און גענדיגט מיט א ריזן הכנסת ספר תורה אויף די גאסן פון שטאט וויטעבסק. די שמחה איז געווען קאנצענטרירט ארום די איבערפרישונג פון אן אלטע שול וועלכע איז אין די טעג געווארן 100 יאר און האט זוכה געווען אז מען זאל איר גענצליך איבערפרישן און וועט פון איצט באדינען די אידישע קהלה דארט. א משלחת פון מאסקווע בראשות דער רב הראשי פון רוסלאנד הרב בערל לאזאר זענען געקומען זיך משתתף זיין ביי די גרויסע שמחה, ווי אויך זענען פארגעקומען עטליכע ברית'ן און פדיון הבנ'ס.
האדמו״ר מסקאליא אויף א באזוך ביי הגה"צ אב"ד מנירעדהאז שליט"א אין די קאנטרי.
האדמו"ר מאונגוואר ווערט געזעהן מיטן חבר הכנסת ר' משה שמעון ראטה אויף א תפילה ביים יוסף הצדיק אין שכם.
בין הזמנים • די פעקלעך פון בחורי ישיבת בריסק אין ירושלים פארענט פונעם בנין הישיבה, איידער די בחורים גייען ארויס אויף בין הזמנים.
אן הערליך געמאלן בילד פונעם ינוקא הרב שלמה יהודה בארי שליט"א ערשיינט לרגל די שמחת הבר מצוה פון בנו בכורו הב' הושע ישראל ני"ו.
קרישקעס וועכענטליכע מזל טוב'ס:
ברכת מזל טוב פאר הרב משה יוסל צימעט משב"ק כ"ק מרן אדמו"ר מתולדות אהרן שליט"א לרגל שמחת הולדת הנכדה, בת לחתנו הרב אפרים פישל יאראוויטש בשעה טובה ולמזל טוב.
א ברכת מזל טוב פאר הרב אלימלך ווייס משב"ק כ"ק האדמו"ר מקרעטשניף י-ם שליט"א לרגל די שמחת הבר מצוה פון בנו למזל טוב, אינעם בילד די רבי ביים זיך באטייליגן ביים שמחת הבר מצוה דער וואך.
א ברכת מזל טוב פאר הבה"ח אליעזר זאב כ"ץ הויז בחור פון האדמו"ר משאץ שליט"א פון אשדוד לרגל זיין שידוך שליסן בשעה טובה ומצלחת ולמזל טוב.
א ברכת מזל טוב פאר הרב חיים איצקאוויטש לרגל די שידוך שליסן פון בנו הבה"ח שיח' למזל טוב בשטומ"צ.
Comments