מעמד החופה אין גור באופן פרטי בלויז פאר משפחה | גאלעריע

מיטוואך פ' ויחי • ט"ו טבת תשפ"ד | בחצרות הקודש

בילדער קרעדיט: שוקי לרר

אין א דראמאטישע שריט איז די מעמד החופה ביים חתונה הגדולה היינטיגן מיטוואך בשמחת בית גור פארגעקומען באופן פרטי מיט די השתתפות פון בלויז די בני המשפחה. דאס קומט נאך די דירעקטע הוראת הקודש פון כ''ק האדמו''ר מגור שליט''א נישט אפצורעכטן די חופה ברחובה של עיר אין די צייט פון מלחמה ווען עס פאלן ליידער אידישע קרבנות טאג טעגליך, אין א בחינה פון אין לך יום שאין קללתו מרובה משל חבירתה.

די חופה איז פארגעקומען אויף א דעזיגנירט ארט אויפן דאך פונעם ביהמ''ד הגדול במעמד פון די בני המשפחה אין נאנטע מקורבים, אנדערש ווי געווענדליך ווען די חופה פלעג פארקומען על פני רחוב ירמיהו במעמד אלפי חסידים.

בשעת די חופה האבן די טויזנטער חסידים מיטגעהאלטן די שמחה דורך א לייוו הוקאפ אינעם ביהמ''ד הגדול, מיט סידור קידושין די ראש בית אב די זיידע כ''ק האדמו''ר מגור שליט''א, קריאת הכתובה די געוועזענער רב הראשי הגאון רבי ישראל מאיר לאו, מיט די ברכות זענען מכובד געווארן הגאון רבי יצחק זילבערשטיין רב שכונת רמת אלחנן, די ראשון לציון הגאון רבי יצחק יוסף, כ''ק האדמו''ר ממודזיץ שליט''א אין הגאון רבי מיכל זילבער ראש ישיבת זוועהיל, ברכה אחריתה כ''ק האדמו''ר מבאיאן שליט''א.

נאכן חופה איז כ''ק האדמו''ר מגור שליט''א אריין לביתו נאווה קודש אין אפגעראכטן א שולחן לחיים לכבוד די שמחה אינאיינעם מיט די באטייליגטע אדמור''ים ורבנים. אצינד זעצט פאר די חתונה ברוב פאר והדר אין ביהמ''ד הגדול גור אין ירושלים.