זונטאג פ' וירא • י"ד חשון תשפ"ד | בחצרות הקודש
בילדער קרעדיט: שוקי לרר
פילע אידן תושבי בני ברק האבן דעם פארגאנגענעם דאנערשטאג באגלייט למנוחת עולמים הרב החסיד המפואר ר' יהושע העללער ז"ל, בונה ומקים עולמות של תורה אין זקן חסידי באבוב אין ארץ ישראל, וועלכער איז נפטר געווארן אין טיפן עלטער פון קרוב צו הונדערט יאר.
צווישן די פילע גדולי ישראל וועלכע האבן זיף משתתף געוועהן ביי די לוי' האבן זיך אנגעזעהן האדמור''ים מטשערנאביל, מכנובקא בעלזא, זוועהיל ירושלים, וואסלוי, נאראל, אוזרוב, גארליץ, הגאון הגדול רבי ברוך דוב פוברסקי ראש ישיבת פונוביז, הגאון רבי אליעזר כהנמאן נשיא ישיבת פונוביז, הגאון הישיש רבי מאיר גריינמאן אין נאך פיל.
די לוויה איז ארויס פון די באבובער שטיבל אויף רחוב חזון איש אין בני ברק, וואו עס האבן מספיד געוועהן בנו יחידו הרה''ג רבי מיכאל העללער ראש ישיבת עץ חיים באבוב אין בני ברק, הגה''צ אב''ד קרית באבוב בת ים, אין הגה''צ רבי חיים יצחק אייזיק לאנדא גאב''ד בני ברק, דערנאך איז די לוי' דורך פארנט פון ישיבת עץ חיים ד'באבוב אין בני ברק, וואו דער ראש ישיבה הגאון רבי מאיר לוריא שליט''א האט מספיד געוועהן בשם די ישיבה רבנן ותלמידיהון.
Comentaris