מיטוואך פ' פנחס • י"ח תמוז תשפ"ד | בחצרות הקודש
הרב ישראל מנחם נחום רוקח שליט"א נכד כ"ק אדמו"ר מבעלזא שליט"א איז די וואך ארויסגעפארן קיין אמעריקא בשליחות הקודש פונעם גרויסן זיידן צו באשיינען בראש השמחה ביי די חתונה ביי הרבני הנגיד ר' אהרן גראסמאן פון מאנסי מגדולי תומכי מוסדות בעלזא.
דינסטאג נאכמיטאג האט ער געלאנדעט אין די נוארק לוטפעלד ווי עס האבן מקבל פנים געוועהן א שיינע קבוצה חסידי בעלזא פון מאנסי וואו הרב ישראל מנחם נחום איז געשטעלט געווארן דורכן זיידן די בעלזא רב אלס מוליך ומביא אמבאלאנג אלע עניני הקהילה והמוסדות, פונעם לופטפעלד איז ער תיכף צוגעפארן צום חופה אין מאנסי ווי ער איז נתכבד געווארן מיט ברכה אחריתא, אויפדערנאכט איז ער אנגעקומען אויף מעריב אינעם בעלזא בית המדרש אויף מעיפל טערעס וואס איז לעצטנס איבערגעבויט געווארן בתכלית היופי, נאך מעריב איז פארגעקומען א מסיבת לעקיך און בראנפין ווי די גאסט האט אויפגעטראטן מיט א דרשה און דער ציבור דורך שלום נעמען.
אויפדערנאכט האט ער זיך צוריקגעקערט צום חתונה וואו ער האט מיטגעהאלטן די סעודה און געטאנצן מיט די חתן און מחותנים, מיטוואך אינדערפרי האט ער געדאוונט שחרית אין די בעלזא ישיבה קטנה אין מאנסי נאכגעפאלגט מיט א מעמד קבלת פנים, נאכמיטאג האט ער זיך ארויסגעלאזט אויפן וועג צוריק קיין ארץ ישראל.
Comentários