מאנטאג פ' ויגש • כ"ט כסלו תשפ"ה | בחצרות הקודש
דעם שבת איז כ"ק אדמו"ר מסאדיגורא לאנדאן שליט''א געוועהן צוגאסט אינעם נייעם יישוב קענווי איילענד, וואו דער רבי שליט''א האט געוויילט לכבוד שבת חנוכה אויף די איינלאדענונג פון די תושבי השכונה, וועלכע האבן זיך געקלאמערט ביי די תפילות און טישן דורכאויס שבת, און ביים הדלקת הנרות וואס דער רבי שליט"א האט אפגעראכטן מוצאי שב"ק בדרך אבותיו הק'. נעכטן זונטאג האט דער רבי באזוכט אין די שטאטישע תלמוד תורה וואו דער רבי האט משמיע געוועהן דברות קודש פאר די ילדי תשב"ר און פארטיילט חנוכה געלט. שפעטער אין טאג האט דער רבי באזוכט ביי די מקוה טהרה אין קענווי איילענד וואס בויעט זיך לשם ולתפארת וואו די ראשי והנהלת העיר האבן ארומגעוויזן דעם רבי'ן שליט"א אינעם גאנצן בנין.
דעם מיטוואך דעם ערשטן ליכטל חנוכה האט דער רבי געצינדן די נירות אין די סטעמפארד הילל געגענט וואו א גרויסן ציבור, אנשים חושבים אינגעלייט און בחורים האבן מיטגעהאלטן דעם ליכטל, אין די וועניו זאל אין שטאט. קומענדיגן מיטוואך זאת חנוכה וועט דער רבי צינדן די נירות בבית מדרשו הגדול אין די גאלדערס גרין געגענט.
Comments