דאנערשטאג פ' משפטים • כ"ב שבט תשפ"ה | בחצרות הקודש
בילדער קרעדיט: מ.א. נוימן
א גרויסן ציבור תושבי עיה''ק ירושלים ובראשם אדמורי"ם ורבנים שליט"א האבן זיך דעם זו טאג צוזאמגענומען אויף א גרויסארטיגן עצרת הספד, צו באוויינען און אפצוגעבן דעם ריכטיגן כבוד נאך די גרויסע אבידה וואס כלל ישראל האט פארלוירן, מיט די פטירה פון האי גאון וצדיק חסידא ורחימא רבי משה אהרן רייך זצ''ל גאב"ד פשעווארסק וויליאמסבורג.
די עצרת הספד איז פארגעקומען אין פשעווארסקער ביהמ''ד אין ירושלים, וואו עס זענען געהערט געווארן דברי הספד קינה ונהי פון להבדיל בן חיים לחיים מחותנו כ"ק אדמו"ר מביטשקוב שליט"א, הגאון הגדול ר' שמואל בראנסדארפער חבר הבד"ץ, הגה"צ רבי ישכר דוב רוקח בנו הגדול פון האד' ממחנובקא בעלזא, הגה"צ ר' שלמה זלמן ווייס אבד"ק שערי טוביה, הרה"ג ר' ישראל יוסף ווידערקער ר"מ בישיבת ראחמיסטריווקא ירושלים, הרה"ג ר' מנחם ווייס אבד"ק אושפיצין און נכדו הרה"צ ר' אברהם חיים רייך שליט"א. צווישן די משתתפים האט זיך אויך אנגעזעהן כ"ק אדמו"ר מקרעטשניף סיגעט שליט"א א מחותן מיטן רב זצ"ל.
תגובות