דינסטאג פ' כי תצא • ז' אלול תשפ"ד | בחצרות הקודש
היינט אינדערפרי האט כ"ק גאב"ד מאקאווא שליט"א געלאנדעט על אדמת ניו יארק לכבוד די חתונה פון אן אייניקל, א שיינעם ציבור תלמידים און חסידים זענען ארויסגעפארן צום לופטפעלד מקבל פנים זיין דעם רב שליט"א. פונעם לופטפעלד איז מען צוגעפארן קיין קווינס וואו דער רב שליט"א האט פוקד געוועהן די ציונים הק' אינעם אהל אדמור"י בית ליובאוויטש זי"ע זייענדיג שופך שיח געוועהן א לענגערע וויילע און דערנאך גענימען קוויטלעך פון די חסידים. פון דארט איז מען געפארן קיין מאנסי וואו מען האט געדאווענט שחרית בבית האכסניא, וואו עס איז נאכן דאווענען אפגעראכטן געווארן א מסיבת לחיים און מעמד קבלת פנים. היינט נאכט קומט פאר די שמחת החתן מאל פון אן אייניקל ביים רב שליט"א בבית מדרשו פונעם מחותן אבי הכלה הרה"צ רבי מיכל גאלדמאן שליט"א מזוועהיל מאנסי.
Comments