מאנטאג פ' בחוקותי • י"ט אייר תשפ"ד | בחצרות הקודש
פילע הונדערטער אידן האבן דעם מוצאי שבת מיטגעהאלטן די ערשטמאליגע מעמד הדלקה רבתי דורך כ"ק גאב"ד סאטמאר מאנסי שליט"א לכבוד התנא האלוקי רבי שמעון בר יוחאי, אויפן גרויסן באדן פארנט פון ביהמ"ד הגדול ויואל משה ד'סאטמאר, בשירה וריקודין לכבוד האי יומא רבה. מיטן אנצינדן די מדורה האט דער גאב"ד שליט"א מכבד געוועהן אביו הגדול כ"ק אדמו"ר מבית חיים יהושע שליט"א וואס איז געוועהן צוגאסט אויף שבת אין מאנסי לרגל א שמחה אין די משפחה און האט מיטגעהאלטן די מעמד ההוד וואס האט זיך פארצויגן לענגערע שעות נאכאנאנד.
