דינסטאג פ' פנחס • י"ז תמוז תשפ"ד | בחצרות הקודש
דעם זונטאג אויפדערנאכט איז פארגעקומען אין עיה"ק ירושלים די סעודת השלושים להסתלקותו לשמי רום פונעם זקן המשגיחים הגה"צ רבי משה וואלפסאן זצ"ל אב"ד אמונת ישראל, ווי פילע תלמידים וחסידים מוקירי זכרו הטהור תושבי ארץ הקודש האבן זיך פארזאמלט תחת קורת גג אחד אינעם זאל פון די סקווירא מיידל שולע אין ירושלים אין שפוץ פון בנו הגה"צ רבי אברהם יצחק וואלפסאן אב"ד אמונת ישראל מאנסי וועלכע איז אנגעקומען קיין ארץ ישראל לכבוד די שלושים, אויפן אויבן אהן האט זיך אויך אנגעזעהן חתנא דבי נשיאה כ"ק אדמו"ר מתולדות יהודה שליט"א און די רבני ודייני הקהילה.
אנהייב פונעם מעמד האט די רב שליט"א מסיים געווען ש"ס וואס איז געלערנט געווארן דורך די בני הקהילה לעילוי נשמתו הטהורה און געזאגט די קדיש דרבנן, דאן האט מען געהערט א דרשה מפום ממלל רברבן הגה"צ המשפיע רבי אלימלך בידרמאן שליט"א וועלכער האט מרחיב געווען בדיבורו מיט דברי חיזוק בעמוד התפילה במשנתו הטהורה פונעם משגיח זצ"ל, דערנאך האט אויפגעטראטן הרה"ג ר' דב הערצאג שליט"א ראש כולל אמונת ישראל אין ירושלים, און צום לעצט האט מען געהערט דברי זכרון פון בנו חביבו הגה"צ אב"ד אמונת ישראל שליט"א וועלכע האט מעורר געוועהן דעם ציבור זיך מדבק צו זיין אין די הייליגע דרכים און ממשיך זיין מורשתו הטהורה אשר הנחיל לדורות.
צומארגנס מאנטאג איז מען ארויף צום ציון המצוינת אשר שם חלקת מחוקק ספון אויפן בית החיים אין עיה"ק טבריה לרגל מלאת השלושים לפטירתו.
Comentarios