מיטוואך וירא • י"ב חשון תשפ"ה | בחצרות הקודש
כ"ק אדמו"ר מקאפיטשניץ שליט"א וועלכער צוגאסט די טעג אין ניו יארק, איז נעכטן דינסטאג אנגעקומען אויף א באזוך אין שטאט מאנסי וואו דער רבי וועט זיך אויפהאלטן ביז סוף וואך אין די ספרינג וואלי געגענט, נעכטן נאכט איז פארגעקומען א מסיבת קבלת פנים לכבודו אין דער באיאנער קלויז אין מאנסי וואו עס האט זיך משתתף געוועהן צווישן אנדערע כ"ק אדמו"ר מראחמיסטריווקא שליט"א פון ספרינג וואלי, היינט אינדערפרי האט דער רבי געדאווענט שחרית אינעם באיאנער קלויז וואו דער רבי האט געדינט אלס סנדק ביי א ברית לבן אחד ממתפללי הביהמ"ד.
פארמיטאג איז דער רבי שליט"א אנגעקומען קיין שיכון סקווירא אויף א באזוך ביי מחותנו כ"ק אדמו"ר מסקווירא שליט"א, וואו עס איז צווישן אנדערן ארומגעשמועסט געווארן איבער די שרעקליכע מלחמה אין ארץ ישראל און די אדמור"ים האבן זיך אנגעוואונטשן איש את רעהו לכבוד שמחת צאצאיהם. אויך האט דער רבי באזוכט אין מאנסי ביי כ"ק אדמו"ר מראחמיסטריווקא מאנסי שליט"א און ביי הגה"צ אבד"ק ראחמיסטריווקא מאנסי שליט"א.
Komentar