דינסטאג פ' ראה • כ"ג אב תשפ"ד | בחצרות הקודש
כמידי שנה שנה בשנה האט כ"ק אדמו"ר מסאטמאר שליט"א מהרי"י דעם דאנערשטאג באזוכט אין די מחנות הקיץ פון די מוסדות הקדושים, הבנים והבנות וואו די רבי האט אריינגעבלאזן הויפענענס חיזוק און די תלמידי ותלמידות ביי די באזוכן וואס האט בלי ספק איבערגעלאזט אן אייביגע השפעה דקדושה אויף זיי מיד ולדורות.
נאכמיטאג איז דער רבי אנגעקומען צום מחנה רב טוב - יונגל קעמפ אין נעפאנעק, ווי עס איז פארגעקומען א מעמד קביעות המזוזה וחנוכת הבית פארן נייעם ביהמ"ד 'שערי חיים' וואס איז איבערגעבויעט געווארן אלס א הערליכער ׳היכל התורה׳. אויך איז פארגעקומען א מעמד קביעת מזוזות ביהמ״ד ׳היכל אליעזר׳ ווי עס איז פארגעקומען א קביעות מזוזה ומסיבת לחיים פארן נייעם צוגעבויטן פליגל פונעם ביהמ״ד בנדבת הרבני הנגיד ר׳ סענדר גאלדבערגער הי״ו.
באזונדערע מעמדי קבלת פנים זענען אפגעהאלטן געווארן אין די מחנות הקיץ פון די מוסדות הקדושים, ערשטנס דורך די ילדי תשב"ר, דערנאך אין מחנה רב טוב - בחורים קעמפ אין דעירילענד, און דערנאך אין מחנה רב טוב - מיידל קעמפ אין קערהאנקסאן.
בעת דעם רבינס באזוך אינעם מיידל קעפל איז דער רבי אריבער אויפן שטח ווי עס גייט געבויעט ווערן א פרישע ריזיגן בנין אין קעמפ בנדבת הרבני הנגיד ר׳ חיים מרדכי אינזעליכט הי״ו פון מאנסי,
עס איז פארגעקומען א מעמד הנחת אבן הפינה וואו דער רבי האט געגאסן די יסודות פארן נייעם בנין אדיר ומפואר, נאכגעפאלגט מיט א מסיבת לחיים אינאיינעם מיט די נדיבים ותושבי המחנה.
Comments