הונדעטער חסידים ואנשי מעשה ווארעמען זיך ביים התוועדות רבתי לרגל י"ט כסלו בחצר הקודש בישטינא

זונטאג פ' מקץ • כ"א כסלו תשפ"ה | בחצרות הקודש

בילדער קרעדיט" שוקי לרר

כמידי שנה בשנה האבן הונדערטער חסידים ואנשי מעשה פון אלע שיכטן און קרייזן מיטגעהאלטן דעם עריכת שולחן הטהור און התוועדות בחצר הקודש בישטינא לרגל חג הגאולה י"ט כסלו, דער טאג וואס דער הייליגער בעל התניא זי"ע איז ארויסגעלאזט געווארן פון תפיסה מאפילה לאור גדול.

כ"ק אדמו"ר מבישטינא שליט"א וועלכער איז מאז ומקדם אדוק ומקושר צו תורת חב"ד האט מעריך געוועהן שולחנו הטהור לכבוד האי יומא דקא גרים, ביז פאר לאנגע שעהן ביז שפעט אין די נאכט אריין באגלייט מיט דברי תורה, מאמרי חסידות, שירות ותשבחות און ריקודין עילאין צו דאנקען און לויבן אויף די גרויסער ניסים בימים ההם בזמן הזה.