דאנערשטאג פ' ויגש • ב' טבת תשפ"ה | בחצרות הקודש
ווי יאהר יערליך אין די ימי החנוכה איז כ"ק אדמו"ר מסאטמאר שליט"א אנגעקומען קיין בארא פארק אויף א באזוך אין די מוסדות בנשיאותו הרמה. דער רבי האט געדאווענט שחרית אין בנין התלמוד תורה 'בנין ליפא פריעדמאן' אינאיינעם מיט די תלמידי כיתות ז' ח' ט', וואו דער רבי האט יורד געווען לפני התיבה צו הלל בהתעוררות רב.
נאכ'ן דאווענען איז פארגעקומען א מסיבת לחיים וואו דער רבי האט משמיע געווען דברות קודש און פארטיילט מטבעות, בתוך דבריו האט דער רבי מעורר געוועהן די קינדערליך בעניני שמירת עיניים. דערנאך איז דער רבי אריבער צו די אינגערע כיתות, וואו די קינדער האבן מקבל פנים געווען דעם רבי'ן בשירה וזמרה, דער רבי האט געוואונטשן לחיים און משמיע געווען דברי הדרכה פאר די תלמידים זיך צו מחזק זיין בעבודת התפילה און שמירת עיניים.
נאכן באזוך אין תלמוד תורה איז דער רבי אריבער אויף א באזוך צו כ"ק אדמו"ר מבית חיים יהושע שליט"א וואו עס איז פארצויגן געווארן א לענגערע שמועס, און האדמו"ר מבית חיים יהושע שליט"א האט ארויסבאגלייט דעם רבי'ן ביז צו די קאר.
Comments