מאנטאג פ' חוקת • ב' תמוז תשפ"ד | בחצרות הקודש
מארגן דינסטאג וועט כ"ק אדמו"ר מבאבוב-45 שליט"א אנקומען אויף א קורצע בליץ באזוך צום עיר הבירה לאנדאן צו באשיינען צוויי שמחות פון נכדי הרה"ק בעל 'קדושת ציון' מבאבוב זי"ע, אייניקלעך ביי די ברודער הנגידים למשפ' פרישוואסער שיחי', וואו די רבי שליט"א האלט כסדר מיט די שמחות אין די משפחה.
דער רבי שליט"א וועט לאנדען אין ענגלאנד מיטוואך אינדערפרי, באנאכט וועט דער רבי באשיינען די חתונה פון א אייניקל ביי הרה"ג ר' שלמה פרישוואסער אב"ד סאסוב לאנדאן וראש ישיבת חיי עולם, הכלה טאכטער פון זיין זון הרה"ג ר' יהושע מאיר פרישוואסער רב ביהמ"ד מאורות חיים, איידעם ביי כ"ק אדמו"ר מסאדיגורא זצ"ל בעל 'עטרת ישראל', צומארגנס דאנערשטאג אויפדערנאכט וועט דער רבי באשיינען בראש השמחה ביי די חתונה פון א אייניקל ביי הרבני הנגיד ר' בנציון פרישוואסער הי"ו, די כלה א טאכטער פון זיין זון הרב רפאל פרישוואסער הי"ו.
דאנערשטאג נאכמיטאג וועט די רבי שליט"א ארויספארן צום שטעטל 'קליפטאן וויל' א קור ארט צוויי שעה צו פארן פון לאנדאן, וואו דער רבי וועט וויילן די קומענדיגער צוויי וואכן אויף מנוחת הנפש, בבית האכסניא ביי הרה"ג ר' יחזקאל שלאף שליט"א אבד"ק בילאווע לאנדאן.
Comments