טויזנטער ביי צענטראלע שמחת בית השואבה אושפיזא דמשה בחצר הקודש וויזניץ

דינסטאג ד' דחוה"מ סוכות • כ' תשרי תשפ"ה | בחצרות הקודש

בילדער קרעדיט: שוקי לרר

ווי יאר יערליך בליל אושפיזא דמשה רעיא מהימנא איז אין די וויזניצער הויפן אין בני ברק געפראוועט געווארן די צענטראלע מעמדי שמחת בית השואבה לרגל די אושפיזין פון הרה"ק בעל ישועות משה מוויזניץ זי"ע, ווי מאסן חסידים קומען צופארן פון אלע שטעט צו די שולחנות הטהורים בצל הקודש פון האדמורי"ם שליט"א מוויזניץ להקביל פני רבם ברגל און לכבוד החג.

ביים שמחת בית השואבה אין קרית וויזניץ האבן זיך משתתף געוועהן די נארוואס געקרוינטער ראשון לציון הגאון הגדול רבי דוד יוסף, האדמו"ר מאנטניא, הגאון הגדול רבי משה שאול קליין רב שכונת אור החיים, הגה"צ רבי שמעון שמואל הלברשטאם אב"ד דברי משה, הרה"צ רבי שמואל שמעלקא ראזענבוים מנדבורנא, שלוחי דרבנן ר' יצחק גאלדקנאפף און נאך.