דינסטאג פ' תולדות • כ"ה חשון תשפ"ה | בחצרות הקודש
בילדער קרעדיט: יהושע פרוכטר
במוצאי יום גילה - מוצאי שבת קודש איז פארגעקומען אין בני ברק די שמחת התנאים לרגל די שידוך שליסן פון החתן א זון פון כ"ק אדמו"ר מזוטשקא אמסנא שליט"א מיט די כלה א טאכטער פון הרה"צ רבי יצחק דוד טווערסקי האדמו"ר מטריסק טאלנא פון מאנסי, ווען עס איז דערביי געגעגבן געווארן די געלעגנהייט פאר די חסידים ומעריצים זיך מיטצופרייען בשמחתו פונעם רבי'ן שליט"א לכבוד השמחה במעונו די שיינע שידוך וואס איז געשלאסן געווארן מיט עטליכע וואכן צוריק אין ניו יארק.
די שמחה איז פארגעקומען אין די זאל פון ביהמ"ד סטריקוב אין בני ברק מיט די באטייליגונג פון פילע חסידים ואוהדים ותלמידי ישיבה הקדושה 'תורת דוד' זוטשקא אמסנא. אזוי אויך האבן זיך אנגעזעהן אדמורי"ם ורבנים וקרובי המשפחה, צווישן זיי די פעטער'ס האחים האדמורי"ם מזוטשקא און זוטשקא ירושלים, און האדמורי"ם מסטריקוב, ביאלא ב"ב, שומרי אמונים, בישטינא, טעמשוואר אלעד, זידיטשוב, לינסק, זידיטשוב ב"ב, ספינקא רמת אהרן, ספינקא גני גד, לעלוב הר יונה, הרה"צ המשפיע רבי אלימלך בידרמאן און הרה"צ רבי יעקב מרדכי טווערסקי אב"ד טשערנאביל אלעד.
Comments