מאנטאג פ' כי תשא • י"ז אדר א' תשפ"ד | בחצרות הקודש
כ"ק האדמו"ר ממחנובקא בעלזא שליט''א וואס איז נעכטן זונטאג אנגעקומען קיין ניו יארק מנחם אבל צו זיין ביי כ"ק האדמו"ר מסקווירא שליט"א, איז נעכטן נאכמיטאג אנגעקומען אויף א באזוך אינעם ביהמ"ד דחסידי מחנובקא בעלזא אין מאנסי, וואו די רבי האט מחנך געווען די נייע פראכטפולע מקווה וואס איז נארוואס פארענדיגט געווארן כלול בהדרו ובהידור רב אשר מן הבאר ההוא ישקו העדרים, די רבי האט באטראכט די חומרות והידורים פון די נייע מקווה טהרה און אנגעוואונטשן מברכות קדשו פאר אלע עוזרים ומסייעים, דערנאך זענען אריין אל הקודש פנימה די חסידים וועלכע האבן איבערגעגעבן דרשה געשאנק לרגל די חתונה פון אן אייניקל ביים רבי'ן שליט"א, אין די רבי האט פארטיילט געבענטשטע מטבעות כנהוג.
דערנאך האט די רבי געדאווענט מנחה און מעריב בבית מדרשו, און דערנאך אפגעראכטן א מסיבת לחיים און מעמד קבלת פנים ווי די רבי האט משמיע געווען דברות קודש. ביים מעמד קבלת פנים האט זיך משתתף געוועהן כ"ק אדמו"ר מראחמיסטריווקא שליט"א פון ספרינג וואלי וועלכע איז אריבערגעקומען שלום נעמען פונעם אורח הדגול.
Comments