דאנערשטאג פ' חיי שרה • כ"ה חשון תשפ"ד| בחצרות הקודש
בילדער קרעדיט: שוקי לרר בחדרי חרדים
שמחת בית באיאן - וויזניץ
דעם דינסטאג נאכט איז געשלאסן געווארן די רעבישע שידוך פון א אייניקל ביי כ"ק אדמו"ר מבאיאן שליט"א, די חתן א זון פון זיין איידעם הגה"צ ר' שלמה יודא זלמן לייב אייכענשטיין אבדק''ק זידטשויב שיקאגא, בן כ"ק אדמו"ר מזידטשויב שיקאגא שליט"א, מיט די כלה א טאכטער פון הרה''ג ר' יעקב שמשון ארנסטר שליט"א, בן הגה"צ ר' מנחם ארנסטר שליט"א ראש ישיבת וויזניץ, און איידעם ביי הגה"צ ר' מאיר כ"ץ שליט"א ראה"כ ש"ס אין רמת וויזניץ חיפה, די ווארט איז פארגעקומען דינסטאג אויפדערנאכט אין שטוב פונעם מחותן אבי הכלה אין שטאט בני ברק.
נעכטן מיטוואך אווענט איז פארגעקומען די שמחת התנאים אין די זאלן פונעם ביהמ''ד הגדול בית וויז'ניץ אין בני ברק, איידער די שמחה איז די באיאנער רבי צוגעפארן צום קלויז דחסידי באיאן אין שטאט וואו די רבי האט געדאווענט מעריב אינאיינעם מיט קהל חסידי תושבי המקום. נאך מעריב האט די רבי שליט''א משמיע געוועהן קורצע אמרי קודש לרגל די שמחה במעון קדשו, מען האט געזינגען ניגוני שמחה איז די גאנצער ציבור איז דורך וואונטשן מזל טוב. היינטיגן ליל שישי וועלן זיל אלפי חסידי באיאן צוזאמנעמען אינעם גרויסן באיאנער קלויז אין ירושלים צום מעמד אמירת מזל טוב לכבוד די שמחה אינעם רבינס הויף, וואו מען דורכגיין וואונטשן מזל טוב נאכגעפאלגט מיט ריקודין של שמחה.
Comments