זונטאג פ' פנחס • ט"ו תמוז תשפ"ד | בחצרות הקודש
בילדער קרעדיט: קול ברמה
פארלאפענעם מיטוואך אויפדערנאכט איז פארגעקומען די שמחת החאלאקע פון היניק ני"ו אייניקל פון כ"ק אדמו"ר מביאלא שליט"א א זוהן פון הרב פנחס נחמן ראבינאוויטש שליט"א נכד כ"ק אדמו"ר מסערט וויז'ניץ שליט"א, אן איידעם ביי חתנו הגה"צ ר' יואל איתמר קרויס שליט"א, אנקומענדיג קיין חיפה איז דער ביאלא רבי אריין אויף א באזוך צום מחותן האד' מסערט וויז'ניץ, דערנאך איז פארגעקומען א מעמד לחיים לכבוד די שמחה אינעם גרויסן היכל הטישן אינעם בית מדרש הגדול אין רמת וויז'ניץ חיפה, צומארגנס האבן די אדמור"ים שליט"א באזוכט אינעם תלמוד תורה אין רמת וויז'ניץ צום מעמד לימוד הא' ב' וואו אלע קינדער זענען געוועהן אנגעטוהן מיט בגדי שבת ויו"ט כראוי וכיאות, און געזינגען שיינע פאסיגע ניגוני שמחה לכבוד המאורע.
Commenti