דינסטאג מוצאי יו"ט פסח • כ"ג ניסן תשפ"ד | בחצרות הקודש
נעכטן נאכמיטאג איז מרן אדמו"ר מוויז'ניץ שליט"א ארויסגעפארן קיין ירושלים, כמנהגו יעדעס יאהר אסרו חג פסח, צו מתפלל זיין ביים כותל המערבי, אנקומענדיג אין שטאט איז די רבי צום ערשטנס צוגעפארן אויף א באזוך ביי כ"ק אדמו"ר מבאיאן שליט"א, עס האט זיך פארצויגן א שיינעם שמועס איבער די קשר פונעם 'אמרי חיים' פון וויז'ניץ מיט די צדיקי בית רוז'ין, און די וויזניצער רבי האט געלאדענט דעם באיאנער רבי אויף שבת קיין קרית וויז'ניץ, ביי די שבת של שמחה - די שבע ברכות פון א אייניקל ביי האד' מבאיאן, מיט די כלה א אייניקל ביי הגה"צ ראש ישיבת וויז'ניץ שליט"א דעם קומענדיגן חודש אב. דערנאך האבן זיך די אדמורי"ם פארשפארט ביחידות פאר קרוב צו א האלבע שעה, און די באיאנער רבי האט ארויסבאגלייט דעם גאסט לרחובה של עיר.
Comments