האד' מוויזניץ ירושלים וועט אפרייזן קיין ארה"ק צום הילולא קדישא פון זקינו הרה"ק בעל אמרי חיים מוויזניץ זי"י

מיטוואך פ' ויקרא • ד' ניסן תשפ"ה | בחצרות הקודש

בילד קרעדיט: איתי קצב

חסידי וויזניץ אין ארץ ישראל גרייטן זיך מיט התרגשות מקבל פנים צו זיין פני רבם ומאורם כ"ק אדמו"ר מוויזניץ ירושלים שליט"א וואס וועט אנקומען אויף א באזוך בקרב עדת צאן מרעיתו בארץ הקודש, ווי זיין שטייגער יעדע תקופה.

די רבי שליט"א וועט אנקומען קיין ארץ ישראל מארגן דאנערשטאג נאכמיטאג אויף א קורצע באזוך פון עטליכע טעג. אויף שבת וועט די רבי וויילן אויסער די שטאט אויף א ספעציעלע שבת התאחדות מיט די בחורי הקהילה וואס זענען אנגעשלאסן אין די חבורות דחסידי וויזניץ ירושלים. זונטאג אויפדערנאכט אור לט' ניסן וועט די רבי שליט"א אפרעכטן שולחנו הטהור לרגל די הילולא קדישא פון זקינו הרה"ק בעל 'אמרי חיים' מוויזניץ זי"ע, אין ביהמ"ד הגדול וויזניץ אויף רח' אדוניהו הכהן אין ירושלים, צומארגנס מאנטאג בעיצומו של יום וועט די רבי אנקומען צום אהל אדמור"י בית וויזניץ אויפן בית החיים אין בני ברק און פוקד זיין דעם ציון המצוינת לשפוך שיח בהאי יומא רבה להוושע בכל מילי דמיטב.

אין די טעג בעפאר און נאך שבת וועט זיין זמני כניסה פאר די חסידים אריינצוגיין מיט קוויטליך להיפקד בדבר ישועה ורחמים. דינסטאג נאכט וועט זיך דער רבי שליט"א צוריקקערן למעון קדשו אין בארא פארק לקראת די ימי הפסח הממשמשין ובאין.