דינסטאג פ' ויחי • ז' טבת תשפ"ה | בחצרות הקודש
מיט גרויס פרייד און שפאנענדע ערווארטונג רישן זיך מאסן חסידים ומעריצים צו די חתונה הגדולה פון החתן יחזקאל גראס ני"ו בנו חביבו ויקירו פון כ"ק אדמו"ר מתולדות משה שליט"א, וואס וועט אפגעראכטן ווערן ברוב פאר והדר ובקול רנה ותודה המון חוגג דעם קומענדיגן דאנערשטאג שמות.
די שמחה הייבט זיך אן דעם קומענדיגן שבת ויחי ביים גרויסן שבת עלי' לתורה, וואס וועט פארקומען אינעם בנין ת"ת זכרו תורת משה, אויף רחוב אהרן פישל 29 אין ירושלים, צו וואס עס זענען ערווארטעט פילצאליגע געסט חסידים ואוהדים וואס וועלן קומען מיטלעבן דעם געהויבענעם שבת של שמחה. בפניא דמעלי שבתא וועט פארקומען דער מעמד "באגלייטן" פאר'ן חתן, ארויס פונעם רבי'נס שטוב אויף רחוב שמואל הנביא 72, נאכ'ן מעמד לבישת השטריימל ביים אבי החתן דער רבי שליט"א כנהוג.
די חתונה הגדולה וועט פארקומען דעם נאכפאלגנדן דאנערשטאג שמות, באולמי ווגשל אין בני ברק, בהשתתפות פון הונדערטער חסידים ואנשי מעשה וואס וועלן קומען צו פארן פון נאנט און ווייט מיטלעבן די שמחת בבית רבם ומאורם.
די צענטראלע שבע ברכות דורך קהל תולדות משה וועט פארקומען זונטאג וארא אויפדערנאכט, ספעציעל געווידמעט פאר די פילע אורחים נכבדים.
קול רנה וישועה באהלי צדיקים
Comments