זונטאג פ' תרומה • ב' אדר א' תשפ"ד | בחצרות הקודש
דעם סוף וואך האט זיך כ"ק האדמו"ר מקרעטשניף קרית גת שליט"א צוריקגעקערט קיין ארץ הקודש נאך א לענגערע באזוך אין ניו יארק לטובת מוסדותיו הקדושים. דורכאויס דעם באזוך וואס האט אנגעהאלטן גאנצע דריי וואכן איז אפגעהאלטן געווארן א צאל מסיבות לטובת די מוסדות, אויך איז די רבי שליט"א ארויף לבתי נדיבים בעם אויפצוטרייבן שטיצע אין באזוכט בבתי אדמור"ים וקרובי המשפחה.
דורכאויס די דריי וואכן האט זיך די רבי משתתף געוועהן ביי עטליכע שמחות אין די משפחה. די רבי האט אויך מתפלל געוועהן ביים ציון הק' פונעם זיידן הרה"ק רבי יחזקאלע מערץ זי"ע אין ניו דזשערזי, אין ביים אוהל אדמור"י בית ליובאוויטש אין קווינס. אויף שבת האט די רבי געוויילט אין די קאנטרי אינאיינעם מיט א ענגע קרייז חסידים אין מקורבים.
Comments