מאנטאג פ' וישב • כ"א כסלו תשפ"ד | בחצרות הקודש
חסידי ומעריצי בית ליסקא האבן פאריגע וואך דינסטאג מיטגעהאלטן די געהויבענע שמחה בחצר הקודש ליסקא, ווען עס איז געפראוועט געווארן די שמחת הבר מצוה פון א אייניקל ביי כ"ק אדמו"ר מליסקא שליט"א, הבחור הבר מצוה א זון פון בנו חביבו העסקן הנמרץ הרב פנחס עזרא פריעדלאנדער שליט"א.
די שמחה איז פארגעקומען אין די זאלן פון אנשי ספרד אין בארא פארק, מיט די באטייליגונג פון פילע אדמורי"ם ורבנים ואנשי שם. אין די טעג בעפאר די בר מצוה איז דער בעל שמחה הרב עזרא פריעדלאנדער אינאיינעם מיט בנו הבר מצוה ארויף לבתי אדמורי"ם ורבנים איינצולאדענען צום שמחה און מקבל זיין ברכת הקודש.
