קרישקעס | אינטערסאנטע מערקווירדיגע נייעס פון די וואך בחצרות הקודש איבער די וועלט

דאנערשטאג פ' תולדות • כ"ז חשון תשפ"ה | בחצרות הקודש

האד' מגור אויפן פליגער אהיים קיין ארץ הקודש נאכן געהויבענעם שבת מיט די נגידי ותומכי המוסדות אין קפריסין,אין א שמועס מיט שאר בשרו הרה"ח רבי משה בצלל אלתר שליט"א.

האד' מקארלין סטאלין איז מנחם אבל ביי די משפחה פון דער באקאנטער אויספארשער און היסטאריקער זאב חנוך ערליך הי"ד וועלכע איז אומגעקומען אויפן שלאכטפעלד אין לבנון דורך כיזבאללא טעראריסטן אין עלטער פון 71 יאר.

די נייע אויסזעהן פונעם "אנ"ש בלעטל" דחסידי תולדות אהרן נאך די שארפע דיבורים וואס כ"ק אדמו"ר מתולדות אהרן שליט"א האט געלאזט הערן פאריגע וואך קעגן פרסום און בילדער ווי שוין ברייט באריכטעט.

הארצרייסענדע צענע נאך די פטירה פונעם איש החסד העסקן הנמרץ הרה"ח ר' שמעון ברוין ז"ל, ארומגענימען מיט די קינדער און אייניקלעך אין זיין שטוב אין די אונגארישע הייזער אין ירושלים, וואו מען האט זיך געזעגענט מיט הימל-שפאלטענדע בכיות.

די קאפעליע פון חצר הקודש ביאלא בני ברק האט 'קרישקעס' די וואך באמערקט ביים איבערגיין די נייע ניגונים וועלכע זענען פארפאסט געווארן לקראת די שמחת החתונה פונעם בן זקונים ביי כ"ק אדמו"ר מביאלא בני ברק שליט"א דעם קומענדיגן חודש כסליו הבעל"ט.

און די G&G קלאודונג געשעפט אין קרית יואל האט 'קרישקעס' באמערקט די שפיטיווקא רבי שליט''א ביים איינהאנדלען א נייע בעקיטשע לכבוד יו"ט חנוכה הממשמש ובא.

אויף די ירושלימער געסערלעך האט 'קרישקעס' באמערקט האד' מסטראפקוב ביים כאפן א היטש - טרעמפ מיט הרב אהרן בוימל באקאנט אלס בארדישטובער רבי.

האד' מסקולען דינט אלס שליח ציבור אין די שומרי שבת מנינים צענטער אין בארא פארק, מיט זיין פשטות און ענוות חן, ווערט אויך געזעהן הגה"צ אבד"ק זאלישטשיק שליט"א.

האדמו"ר מקאשוי אין א שמועס מיטן משמח אלוקים ואנשים ומגיד מישרים הר"ר וועלוול פעלדמאן ביי א שמחה די וואך.

הייליג בילד פון הגה"צ ר' שמעון שפירא זצ"ל ביים אפרעכטן תיקון חצות ביי איינע פון די עצרות מחאות על קדושת ירושלים.

דער שליח חב"ד פון קפריסין, הרב ארי' זאב ראסקין, אינאיינעם מיט די אנדערע חב"ד שליחים פונעם ארומיגן ראיאן, בקודש פנימה ביי כ"ק אדמו"ר מגור שליט"א נאכן שבת מרומם מיט די נגידים, הרב ראסקין האט געשילדערט פאר'ן רבי'ן די אנגייענדע פעולות אין געביט פון כשרות און מקוואות וואס מ'טוט אויף פאר די אידישע איינוואוינער אין קפריסין, און דער רבי האט זיך פאראינטערעסירט אויף אלע פרטים און מאציל געווען ברכת קדשו. באזונדער איז אויפגעברענגט געווארן איבער די טראגישע מארד פונעם חב"ד שליח אין דובאי, הרב צבי קאגאן הי"ד, וואס מ'האט דאן, מוצאי שבת, נאכנישט געוואוסט איבער די טרויעריגע ענדע, און דער רבי האט אויסגעדרוקט גרויס זארג איבער זיין וואוילזיין.

לא פסיק פומיה מגירסא: האד' מסערדאהעלי שרייבט חידושי תורה היינט צופרי פאר תפילת שחרית בבית האכסניא פון הנגיד ר' עקיבא הערש קליין אין קרית יואל

האד' מזוועהיל ביים עוסק זיין בתורה אין די קוויטל שטוב פונעם הייליגן ר' ישעילע זיע"א אין שטאט קערעסטיר ווי די רבי וויילט די טעג אויף א נסיעה מיט נגידים.

די בארימטע בעל מחנך הרב פנחס ברייער פון ארץ ישראל ווערט געזעהן ביים מעמד וועידת גיבורי כ"ח פאר צעירי אברכי בעלזא וואו ער האט געענפערט שאלות ביי א פאנעל בעניני חינוך הבנים.

אויפן שפיץ בענקל: דער סקולענער רבי ווערט געזעהן פון אונטער די קוליסן ביים שומרי החומות דינער די וואך אין בארא פארק, וואו דער רבי האט אויפגעטראטן אלס אורח הכבוד.

האד' מלעלוב ניקלשבורג ביים שפאצירן אין שטאט קערעסטיר בחצר ביתו נאווה קודש פון הרה"ק רבי ישעילע מקערעסטיר זיע"א.

נאך די גרויסע הצלחה ביים מסע הקודש פון האד' מוויזניץ צום שטאט וויזניצא אנגעפירט דורך ר' מאטי רבינוביץ פון 'טיפ הפקות', איז ר' מאטי ווידער געזעהן געווארן אין לופטפעלד ביים געזעגענען חסידי דזיקוב וויזניץ איידערן זיך ארויסלאזן אויפן מסע הקודש קיין ויזניצא בראשות האד' מדזיקוב וויזניץ.

האדמו"ר מנדבורנה האט 'קרישקעס' באמערקט אינעם בית חב"ד אין בערלין, און א שמועס מיטן חב"ד שליח הרב יהודה טייכטל דער הויפט רב פון שטאט.

כ"ק גאב"ד טאהש מאנסי שליט"א האט 'קרישקעס' באמערקט אין פאפא ביהמ"ד אין ירושלים אריינגעטוהן אין לערנען, זייענדיג פארהאלטן אין ארץ ישראל.

הגה"צ ראש ישיבת תולדות אהרן שליט"א און הגה"צ רבי שלמה זלמן ווייס אב"ד שערי טוביה ביים מנחם אבל זיין הרה"ח ר' גבריאל שישא הי"ו משב"ק האדמו"ר מתולדות אהרן נאך די פטירה פון זיין ברודער הרה"ח ר' שמואל שישא ז"ל מגדולי עסקני חצר הקודש תולדות אהרן.

הגאון הגדול דומ"ץ קרית יואל שליט"א אויף א באזוך אין מיעל מארט פראסעסינג פירמע זיך אומקוקענדיג אויף די פראדוקטן וואס ווערט פראדעצירט פאר קהל יטב לב דסאטמאר בהשגחתו.

הגאון רבי משה הלל הירש ראש ישיבת סלאבאדקע אין א שמועס מיט הרה"צ רבי יצחק דוד גראסמאן רב מגדל העמק, ביי א באגעשעניש אין ניו יארק.

פריש אויפגעדעקטע בילד פון די נייע ערוועלטע פרעזידענט פון די פאראייניגטע שטאטן טראמפ יר"ה, אויף די שטיגן פארנט פון בית המדרש הגדול באבוב אין בארא פארק מיט אריבער 30 יאר צוריק אינאיינעם מיט עסקני ק"ק באבוב.

שיין בילד פון האדמו"ר מקאפיטשניץ ביים פארהערן א אייניקל בעת דעם רבינס באזוך די וואך אין ניו יארק.

האדמו"ר מבאיאן ביים מנחם אבל זיין ביי משפ' ברוין נאך די פטירה פון דעם שר העסקנות לצרכי רפואה הרה"ח ר' שמעון ברוין ז"ל משמש בקודש ביי הרה"ק מתולדות אהרן זיע"א.

די שיירה פון האדמו"ר מבעלזא אונטערוועגנס קיין טבריה פוקד צו זיין דעם ציון הק' פון הגה"ק מהר"ם מבילגורייא זצ"ל ביומא דהילולא.

האד' מגור ביים פארלאזן די ויעדה דורך איחוד מוסדות גור אין קפריסין אויפן וועג אהיים קיין ארץ ישראל.

נאך פונעם גייסטרייכן ויעדה דורך איחוד מוסדות גור אין קפריסין, ווערט געזעהן די בארימטער חזן ר' איטשע מאיר העלפגאט הי"ו.

הרה"צ ר' איציקל לייזער בן האד' מפשעווארסק ביים פארטיילן קנאבל ביי מלווה מלכה די וואך לקראת די הילולא קדישא פון זקינו הרה"ק רבי יענקעלע מפשעווארסק זי"ע וואס איז אויסגעפאלן די וואך.

האד' מסאטמאר ביים עוסק זיין בתורה, וויילנדיג אויף אפרוה אין נארט מיאמי פלארידא.

האדמו"ר מסקווירא אויף א ביקור גומלין וויזיט בבית האכסניא פון האדמו"ר מתולדות אהרן אין שיכון סקווירא.

הרה"צ רבי אהרן מרדכי רוקח שליט"א בן האד' מבעלזא ביים פוקד זיין די ציון הק' פון זקינו בעל 'עטרת משה' ממאקאווא זי"ע ביומא דהילולא.

כ"ק מרן אדמו"ר מקאסאן שליט"א אינאיינעם מיט הגה"צ רבי יעקב מנחם שטייף שליט"א ביי די לעצטע צוגרייטונגען פאר די ערווארטעטע רעגן וואס איז שוין ב"ה געפאלן די וואך, אנצופילן די בורות הטבילה פאר די נייע מקוה טהרה אין שטאט לינדען.

הרה"צ רבי ישראל האגער שליט"א בן האד' מויזניץ בארא פארק ביים איבערגעבן א שיחת חיזוק אין ישיבה לצעירים בעלזא אין בני ברק.

האד' מפאשקאן אויף זיין טעגליכע שפאציר אויף די גאסן פון גילה נעבן ירושלים.

שמחת חתן נאכן וועכענטליכע שיעור דורכן פוסק הדור הגאון האדיר ר' משה שטערנבוך שליט"א אין בית שמש לכבוד די חתונה פון הכלה תחי' בת הרה"צ ר' יוסף מאיר כהנא האד' מטשאקאווא בית שמש.

האד' מקאפיטשניץ ביים עטיפת טלית פארן דאווענען אויפן פליגער אהיים קיין ארץ ישראל נאך א לענגערע באזוך אין ניו יארק.

האדמו"ר מנדבורנה גייענדיג ערב שבת אין בית המדרש אין די קאנטרי בערג וואו דער רבי האט געוויילט אויף א שטילע שבת.

די בארימטער רענטעסטיק פירמע ביים אנגרייטן די סטעיזשעס און טישן צום גייסטרייכן וועידת גיבורי כ"ח פאר צעירי אברכי בעלזא פון איבער גרעיטער ניו יארק.

מעמד חומש סעודה לרגל התחלת לימוד חומש אין תלמוד תורה 'תפארת ישראל' בנשיאות הגה"צ אבד"ק וויטקא.

הרה"צ ר' דניאל רוקח האד' מליזענסק אויף א באזוך ביי הגאון הצדיק ר' בנמין פינקל משגיח ישיבת מיר

א ברכת מזל טוב פארן עסקן הר"ר שמעון קעלער מנהל רשת כוללי יום השישי בחצר תולדות אהרן און רעדאקטאר פונעם באריטן 'אנ"ש בלעטל', לרגל שמחת הולדת הבת בשעה טובה.