פרייטאג פ' עקב • י"ט אב תשפ"ד | בחצרות הקודש
בילדער קרעדיט: JDN
נעכטן מיטוואך האט הגה"צ אבד"ק באבוב-45 שליט"א אפגעשטאט א לענגערע באזוך אינעם בית השחיטה המהודרת אין קרית יואל וואו כ"ק אדמו"ר מסאטמאר שליט"א, האט ארומגעוויזן דעם חשובן גאסט ארום דעם גאנצן בית השחיטה. דער רב שליט"א וועלכע פארפיגט איבער די ריזן כפרות צענטער דקהל באבוב-45 אין בארא פארק איז אנגעקומען אין באגלייטונג פון די ראשי שוחטים דק"ק באבוב-45 וועלכע שטיין אין שפיץ פון דעם פארצווייגטן שחיטה אפעראציע זייענדיג איינס פון די סאמע גרעסטע כפרות צענטערן אין ניו יארק, וואו מען האט זיך אומגעקוקט און זיך באקענט פונדערנאנט אויף דער גאנצער הילוך השחיטה אינעם שלאכט הויז אין קרית יואל.
כ"ק אדמו"ר מסאטמאר שליט"א וועלכע האט זיך דאן געפינען אויף די וועכענטליכע באזוך אין בית השחיטה האט ווארעם באגריסט דעם רב שליט"א און ארומגעוויזן אין אלע אפטיילונגען פונעם מערכת השחיטה, דער רבי מיטן רב האבן א לענגערע צייט ארומגעשמועסט איבער די פילע חומרות והידורים מיט וואס די בית השחיטה צייכנט זיך אויס, און איבער פארשידענע מציאות'דיגע שאלות וואס קומען כסדר ארויף.
Comments