שיינע שידוך געשלאסן פון החתן בן האד' משומרי אמונים פון ב"ב מיט הכלה בת האד' משומרי אמונים פון י-ם

דאנערשטאג וירא • י"ג חשון תשפ"ה | בחצרות הקודש

בילד קרעדיט: דודי סגל

שמחת בית שומרי אמונים: בשמחה עצומה האבן זיך חסידי שומרי אמונים געוואונטשן מזל טוב מיטן ערהאלטן די פריידיגע בשורה איבער די שמחה כפולה בחצרות בית שומרי אמונים מיטן שמחת קשרי החיתון פון החתן הרב משה דוד ראטה ני"ו ממצויני ישיבת 'עיון התורה' זון פון כ"ק אדמו"ר משומרי אמונים שליט"א על ישראל הדרתו אין בני ברק, איידעם ביי הגה"צ רבי יהודה יחיאל שיינפעלד אדמו"ר מטאלטשאווא מיט די כלה בת זקונים פונעם רבינ'ס פעטער כ"ק אדמו"ר משומרי אמונים שליט"א על ישראל הדרתו אין עיה"ק ירושלים, איידעם ביי כ"ק אדמו"ר מהאלאמין שליט"א, ווען אלס שדכן דינט די פעטער משני הצדדים כ"ק אדמו"ר משומרי אמונים שליט"א פון אשדוד.

די גרויסע שמחת הווארט איז געפראוועט געווארן ברינה ובצהלה היינטיגן ליל שישי אין ביהמ"ד שומרי אמונים אין ירושלים, בהשתתפות פון די מחותנים האדמור"ים שליט"א, ווי א לענגערע צייט האט מען זיך משמח געווען בשמחת בית צדיקים און מען איז דורך וואונטשן מזל טוב.