תשית לראשם עטרת פז
בהורמניתא דמלכא פון די שרי התורה חברי בית דין צדק העדה החרדית איז אין די טעג אויפגענימען געווארן פרישע דיינים אין מורי צדק לדון ולהורות דבר השם זו הלכה.
היינט נאכט ליל שישי ביי א ספעציעלע זיצונג דורך די 'וועד הפועל העדה החרדית' אין די הויפטקווארטירן פון די עדה החרדית בניני זופניק, האבן די חברי ההנהלה ממנה געווען פינעף פרישע דיינים בשליחותם פון מרנן ורבנן חברי ביה דינא רבא.
די חשובע תלמידי חכמים מובהקים ויראי ה', מוכתרים בכתר תורה והוראה, מטובי הקהל אין די קהילות הקודש בקרתא דשופריא הלא המה הגאון רבי עמרם דייטש מרבני קהילת תפארת ירושלים, הגאון רבי אהרן היימליך מרבני קהילת תולדות אהרן, הגאון רבי שמואל עקשטיין מרבני קהילת ברך משה דסאטמאר, הגאון רבי זכריה דוד בלויא און הגאון רבי טוביה ליברמאן מרבני קהילת דושינסקיא, די חשובע דיינים זענען אַצינד אָפיציעל אויפגענומען געוואָרן, צו דער זייט פון די צענדליגע דייני העדה החרדית, לדון ולהורות, צו פּסק'נען שאלות איש איש על דגלו אין די קהילות קדושות ברחבי ארץ הקודש, נאכן נעמען שימוש ביי מומחים וגדולי תורה הוראה, אַזוי צו זיין גרייט צו פּסק'נען שאלות אין די אַלע מקצועות התורה, להגדיל כח ההוראה ולהאדירה.
Comments