דאנערשטאג פ' תולדות • ג' כסלו תשפ"ד | בחצרות הקודש
א שיין בילד פון האדמו"ר מטאלנא בסוד שיח מיט זיין פעטער האדמו"ר מטאלנא ביי די חתונה פון א אייניקל די וואך אין שטאט בית שמש.
העסקן הנודע הרה''ג רבי יעקב יחזקי' סופר פון וויען בקודש פנימה ביי האד' מפעשווארסק במקום הנופש אין ווילרייק.
הגה"צ רבי זלמן לייב פילאפף אב"ד מכלל יופי שליט"א אויף א באזוך בקודש פנימה ביי האדמו"ר מטאהש דעם פארלאפענעם מוצ''ש נאכן וויילן אויף שבת בצל הקודש אין קרית טאהש לרגל א משפחה שמחה.
די וואך איז אויפגענומען געווארן א נייע הויז בחור בחצר הקודש סאטמאר נאך וואס די פריערדיגע הויז בחור הבה"ח יעקב עפשטיין גרייט זיך בשטומ"צ צו זיין חתונה. דער הויז בחור הבה"ח יצחק מיכאל ב"ר דוד נחמן ענגלענדער ממצוייני תלמידי הישיבה, ווערט געזעהן די נייע הויז בחור האלטענדיג די טלית בייטל פון רבי'ן.
חכם עדיף מנביא • אינטערסאנטע אינטעוויעוו מיט הרה"ג רבי ירחמיאל ישראל יצחק דאמב זצ"ל פון לאנדאן ממנהיגי נטורי קרתא וואס איז שטארק אקטועל אין די יעצטיגער מצב.
הגאון המקובל רבי דוב קוק שליט"א הצדיק מטבריה, איבער די חומר האיסור פון קעקועים, נאך וואס מאנכע האבן זיך רח"ל לעצטנס מורה היתר געווען אין דעם ענין.
האדמו"ר מסערט וויזניץ געבט איבער א מטבע פאר א קליין קינד ביים שמחת הוואכנאכט פון אן אייניקל פאריכע וואך אין לאנדאן.
הרה"צ רבי יואל זוסמאן הורוויץ אב"ד תולדות צבי ספינקא בארא פארק ווערט געזעהן לאדענען האדמו''ר מתולדות אהרן צום חתונה פון בתו הכלה וואס קומט פאר די וואך.
העסקנים ר' מאיר פרוש און ר' מאיר רובינשטיין ביי די חתונה פון א קינד ביי ר' יוסי דייטש, פראיעקטער פונעם הילולא ל"ג בעומר אין מירון.
האדמו"ר מסקווירא ביים איבערגעבן א סכום הגון פאר די עסקנים פון די באריטע חסד ארגענעזאציע "חסד 24" לטובות די קאמפיין וואס איז אפגעהאלטן געווארן די וואך.
האדמו"ר מסקווירא מאנסי ביים ארומווייזן זיין פלומעניק האדמו"ר מזוועהיל אינעם נייעם סקווירא בית המדרש אין מאנסי, נאכן באזוך וואס די זוועהילער רבי האט אפגעשטאט ביים סקווירא מאנסי רבי די וואך.
הארציגע בריוו פון האד' מבעלזא פאר קהל חסידיו אין אמעריקא ארויסצוהעלפן אין שטיצן כ''ק האדמו''ר מזוועהיל שליט''א וועלכע געפינט זיך די טעג אין ניו יארק לטובת מוסדותיו.
הנגיד ר' משה שמואל זופניק ווערט געזען נאכן שיעור פון האדמו"ר ר' יאשיהו פינטו גאב"ד מאראקא ווי די נגיד האט געברענגט פארן מקובל די יארמולקע פון הרה"ק בעל דברי חיים מצאנז זיע"א און די היסטארישע סידור פונעם הייליגן חיד"א זיע"א.
האד' מסטריקוב אויף א באזוך די וואך ביים ראש הישיבה הגאון הגדול רבי דוב לאנדא נין ונכד לצדיקי בית סטריקוב.
די נייע מצילי אש וואלאונטירן אין שטאט מאנסי ווערן געזעהן די וואך צום ערשטן מאל אנגעטוהן מיט די בגדי כהונה...
הנהלת ארגון עזר מציון בקודש פנימה ביי האדמו"ר מוויז'ניץ במקום הנופש אין נתניה, ווי די רבי האט אנגעוואונטשן די עסקנים פיל הצלחה מיט סייתא דשמיא.
האדמו"ר מפיטסבורג אין א שמועס מיט הרב משה גפני חבר הכנסת, ביי א שמחה די וואך אין בני ברק.
האד' מוויז'ניץ לאנדאן ביי א חופה די וואך ווערט געזעהן דער בעל מנגן ר' ליפא שמעלצער ביים מהנה זיין מיט ניגוני התעוררות.
הגה''צ המקובל רבי יצחק משה ארלנגר אויף א באזוך די וואך ביי כ''ק הגה''צ רבי יצחק מאיר מארגנשטערן אדמו''ר מתורת חכם.
אדמו"ר מבאבוב ביי א שיחות חסידים וויילענדיג אין פלארידע אויף אפרוה, ווערט געזעהן הגה"צ ר' אלי' גראס מקערעסטיר.
די צענטראלער שמחת השבע ברכות צוגעשטעלט דורך ישיבת 'עמודי דגירסא' לכבוד די שמחה ביים ראש הישיבה הרה"ג ר' שלום לאנדא.
הגאון המקובל רבי דוב קוק שליט"א הצדיק מטבריה, איז בודק א פאר ציצית וואס איז געשיקט געווארן פאר די סאלדאטן אויפן פראנט.
אין די זעלבע צייט וואס עס איז געפראוועט געווארן די גרויסע כינוס השלוחים העולמי אין אמעריקע, האבן זיך פארזאמלט צענדליגע שלוחי חב"ד אין שטאט מאסקעווע אויף א שיינע מעמד, אין די חב"ד הויז אין די סקולניקי געגנט.
טויזענטער חסידי חב"ד ביי די גרויסע כינוס השלוחים, ווערן געזעהן ביים פארשטעלן די מסורה'דיגע בילד פארנט פון 770.
דער משמח אלקים ואנשים הרב יואל לעבאוויטש בן האדמו"ר מניקלשבורג ביי א שבע ברכות די וואך ווי ער רעדט ארום איבער היינטיגע אין אמאליגע נגינים.
Comments