מאנטאג ג' דחוה"מ פסח - י"ט ניסן תשפ"ג
טויזנטער חסידי בעלזא אנשים נשים וטף אין שלומי אמוני ישראל איבער די וועלט האבן זיך היינט אנגעשלאסן אין א פארייניגטער כח התפילה איינצורייסן וועלטן פאר די גענצליכע רפואה פונעם רועה נאמן כ''ק האדמו''ר מבעלזא שליט''א וועלכע איז היינט דורך א גורל'דיגער אפעראציע אויף די רוקן אטין די הדסה שפיטאל אין ירושלים.
אינעם ביהמ''ד הגדול אין קרית בעלזא האט מען זיך צוזאמגענימען אויף א מנין אמירת כל ספר תהלים אום 7:30 אינדערפרי, די ילדי תשב''ר זענען זיך צוזאמגעקומען אויף א באזונדערע מנין תהילים אינעם ביהמ''ד המרכזי אינעם בנין ביהמ''ד הגדול, גלייכצייטיג האט מען זיך צוזאמגענימען אויף מניני תהילים אין אלע בעלזער שטיבלעך די בכל אתר ואתר, אין אמעריקא אין קאנאדא האט מען זיך צוזאמנעמען כחצות הלילה אום 1 אזייגער אויפדערנאכט לויטן אמעריקאנע זייגער.
אין די זעלבדע צייט האבן הונדערטער חסידים מתפלל געוועהן ביי די מקומות הקדושים אין ארץ ישראל, מערערע שיירות זענען ארויספארן צום כותל המערבי, קיין אתרא קדישא מירון, צום ציון פון הרה''ק מבעלזא זי''ע אין א באזונדערע נסיעה צום ציון פונעם בולגרייא רב זצ''ל אין טבריה.
היינט צופרי פארן דאווענען איז כ''ק האדמו''ר מוויז'ניץ לאנדאן שליט''א אנגעקומען זיך משתתף זיין אינעם מנין תהילים אין ביהמ''ד המרכזי דחסידי בעלזא.
מרן האדמו''ר מוויז'ניץ שליט''א האט היינט צופרי ביים אריינקומען צום דאווענען אין ביהמ''ד געגעבטן מתפלל זיין אין אינזינען האבן די שוואגער די בעלזער רב לרפואה שלימה.
אויך כ''ק האדמו''ר מוויז'ניץ שליט''א האט נאכן דאווענען געגעבטן צו מתפלל זיין פארן שוואגער דער בעלזער רב אין געזאגט פרקי תהילים לרפואתו.
כ''ק האדמו''ר מקאסוב שליט''א האט נעכטן ביים טיש מזכיר געוועהן דעם רב לרפואה שלימה אין געבעטן אינזין האבן איינע פון די צדיקים שבדור וועלכע נויטיגט זיך אין א רפואה.
כ''ק האדמו''ר מבאיאן שליט''א האט היינט ביי קריאת התורה געמאכט א מי שברך פארן רב שליט''א, אויך כ''ק האדמו''ר מצאנז שליט''א האט געהייסן מאכן א מי שברך לרפואתו פונעם רב.
ביים עצרת תפילה אין די בעלזער שטיבל אהל משה אין אנטווערפן האט זיך משתתף געווען די מרא דאתרא הגה"צ גאב"ד אנטווערפן שליט"א.
ביים עצרת תפילה אין אתרא קדישא מירון
Comments